Yuan (surnomo)

Yuan (袁) esas facile trovebla Chiniana surnomo, la 34ma maxim ofta segun la populo. Segun la normo-linguo on skribas Yuán (pinyin) o Yüan (Wade-Giles). Altra pronunci por la sama nomo esas Yeu (Shanghaiana), Yuen (Kantona), Oan (Min Nan), Won (Koreana), e Viên (Vietnama).

La surnomo originale venis de nobela familio de la anciena stato Chen, en la nuna provinco Henan di Chinia. La formo di la skribita signo fixeskis dum la 1ma yarcento. Dum la Han Dinastio, ol asociesas kun la povanta klano Yuan de Ru'nan e pose dum la Jin e Suda Dinastii, kun la klano Yuan de Chen.

Historiale, la nomo kreskis rapide inter Han Chiniani, e prenesis da altra ne-Chiniana grupi. En la nuna mondo existas 6.5 milion personi kun ta nomo, ed en Chinia 0.54% ek la populo. Malgre ke kreskado lenteskis dum la lasta sis yarcenti, la surnomo Yuan anke nun esas relativale facile trovebla en omna parti di Chinia, ed anke inter Chiniani en stranjera landi.

Extera ligili

• 袁氏家谱 Skribaji pri la klano, kelki de qui til nun ne publikigita (Chiniana)
• 宁波西袁 La klano Yuan de Ximen, Ningbo, kun 14,000 personi (Chiniana)
• 日照袁氏, da Yuan Xiping. Esayo pri la origino e developado di la klano Yuan de Rizhao, Shandong. (Chiniana)
• 袁氏论坛 forumo di la klano Yuan (Chiniana)