Talpo
| Talpo | ||
| ||
| Facio di talpo. | ||
| Rejio: | Animalaro | |
| Bifurkeyo: | Chordata | |
| Klaso: | Mamifero | |
| Rango: | Soricomorpha | |
| Familio: | Talpidae | |
| Genero: | Talpa | |
| Speco: | videz texto | |
Talpo esas familio di mamiferi mikra (longeso de 15 til 20 cm, pezo de 100 til 125 grami) qui manjas precipue insekti e lombriki, e habitas regioni di temperema klimato. Li exkavas tuneli en humida sulo, videbla kom sulo-monteti.
Talpi havas cilindratra korpo kovrata per bela sombra pelo, e punta muzelo. Lia kapo portas minuskula okuli ed oreli sen funelo. La muzelo, kun pili, esas finita per sensebla e frajila nazo kun Eimer-organo. La fingri kun potenta ungli unionesas per membrano, formacita kom shovelo, plufortigas per partikulara osto falciformo.
La genito eventas ordinare sola parturajo per yaro, de 4 til 6 yuni. La gravideso duras 4 semana e l'alaktado proxim 6 semana. Pose du monata, la yuni lasas la nesto, ofte en surfaco, ed esas lore facila raptajo.
Talpo vivas en reto di komplexa galerii, qua inkluzas profunda (15 til 25 cm di surfaco) plu permanenta, e reto di tempala galerii proxim di surfaco per chasar e per maskulo kande serchas partenero. La chasado-zono esas de 600 til 900 m².
Existas 9 speci di talpi:
- Talpa altaica
- Talpa caeca
- Talpa caucasica
- Talpa europaea
- Talpa davidiana
- Talpa levantis
- Talpa occidentalis
- Talpa romana
- Talpa stankovici
Talpi judikesas kom nociva animali da gardenisti ed agrokultivisti.
Preventiva lukto
[redaktar | redaktar fonto]
- statika protekto, per konstrukto di muri o pozo di treliso en profundeso de adminime 60 centimetri.
- kemiala protekto, per l'introdukto di repulsanta substanco kontre talpo, exemple naftalino o paradiklorobenzeno, en lia galerii.
- plantaco euforbio epurjo (Euphorbia lathyris)...
Komerco
[redaktar | redaktar fonto]Talpo-furo, tre fina, uzesis por facar manteli e diversa vesti nome dum la yari 1920a, ma ta modo semblas pasinta. Bezonesis cirkume 800 furi por obtenar sola mantelo.
