𝕏 (olime Twitter, Angla por pepiar, pepio) esas sociala retaro-situo. Uzanti povas publikigar (en Ido lor Twitter: Twitteragar, nun 𝕏-mesajifar o mesajifar per 𝕏) kurta mesaji de admaxime 280 signi. On anke povas reaktar ye mesaji e sequar l'un l'altra. Mesajo per Twitter nomesis (en Ido) Twitterajo, nun 𝕏-mesajo. La servo livresis da Twitter Inc. qua en 2023 enkorpigesis en X-Corp., San Francisko en Kalifonia, Usa e havas plu kam 25 kontori tra la mondo.
En marto 2022 l'aferisto Elon Musk (i.a. Tesla) kompris Twitter ed en julio 2023 chanjis olua marko-nomo a 𝕏. Pre-Elon Musk Twitter esis kontrolata ye odio-propaganta mesaji e falsa-novaji. Uzanti povis esar blokusata dum periodo o por sempre. Prezidinto Donald Trump blokusesis dum Twitter[1]. 𝕏 dicas kredar ye libereso di opinionexpreso e ne kontrolar la konteno di la mesaji. Pro l'augemtanta nombro de antisemidismo, rasismo ed altra odiodifuzanta mesaji granda nombro de kompanii decidis ne plu volar kolokar (reklamar) en 𝕏 e livis la platformo.
La 30ma di agosto 2024 𝕏 devis klozar sua konti en Brazilia pos impero da judiciisto Alexandre de Moraes, pro ne respektar la Braziliana lego[2].
Referi
[redaktar | redaktar fonto]- ↑ De Telegraaf Twitter valt hard om ban ’publiekstrekker’ Trump, 11 januari 2021, geraadpleegd op 12 januari 2021
- ↑ https://www.volkskrant.nl/nieuws-achtergrond/in-brazilie-staat-x-nu-voor-22-miljoen-mensen-op-zwart~b8afb885/