Den Haag
| Den Haag | ||
| ||
| Anciena e moderna edifici en Den Haag. | ||
|
| |
| Standardo | Blazono | |
| Lando: |  Nederlando
| |
| Regiono: | Sudal Holando | |
Informo:
| ||
| Latitudo: | 52°05'N | |
| Longitudo: | 04°19'E | |
| Surfaco: | 98,2 km² | |
| Habitanti: | 534 158 (2018) | |
| Denseso di habitantaro: | 6524 hab./km² | |
| Horala zono: | UTC+1 (UTC+2 dum somero) | |
| Urbestro: | Jan van Zanen (VVD) | |
Mapo:
| ||
| ||
Oficala retosituo:
| ||
| http://www.denhaag.nl | ||
Den Haag o formale 's-Gravenhage esas la triesma maxim granda urbo di Nederlando, dop Amsterdam e Rotterdam, esanta la sideyo di Nederlandana guvernerio e rejala chef-urbo. La parlamento di Nederlando ed omna Nederlandana ministerii situesas en ca urbo. Segun statistiki dil yaro 2018 ol havis 534 158 habitanti. Lua tota surfaco esas 98,2 km². Den Haag ank esas chef-urbo dil provinco Sudal Holando.
La duchambra parlamento di Nederlando, la Staten-Generaal o Stati-Generala, kunvenas en la palaco Binnenhof, qua konstruktesis kom resideyi dil komti di Holando e uzesis pose kom sideyo da la reprezentisto dil suzereni Burgundiana. La Stati-Generala derivas del Stati-Generala di Burgundia, separinte su del Hispana imperio per l'Uniono di Utrecht en 1579 e Den Haag devenis la permananta sideyo dil Stati-Generala en 1593.
L'Internaciona Judiciala Korto e l'Internaciona Kriminala Korto anke trovesas en Den Haag, e til sua elimino en decembro 2017 l'Internaciona Kriminala Tribunalo por l'antea Yugoslavia anke kunsidis ibe.
La du precipua dialekti di Den Haag esas notora en Nederlando ed ofte parodiesas.
Den Haag havas granda Surinamana, Turka, Indonesiana e Marokana komunitati. Ol nomesis la "vidvino di (Nederlandan Est) India" pro la Indonesiana habitantaro.
La futbaloklubo di Den Haag esas ADO Den Haag.
's-Gravenhage havas depos 2012 la moto "Vrede en recht" (Paco e yuro).
La blazono di 's-Gravenhage portas cikonio qua manjas anguilo.
Historio
[redaktar | redaktar fonto]
L'origino di Den Haag esas poke konocata, pro ne existar fidebla dokumenti del epoko pri to. On savas ke ol fondesis da la lasta komtii de la dinastio Holando. Floris la 4ma, komto di Holando havis du domi ibe, e posible kompris altra en 1229 an la nuna quartero Hofvijver. Posible ilu deziris konstruktar granda kastelo, ma ilu mortis en 1234, ante ke ulo konstruktesis. Lua filiulo Willem la 2ma di Holando habitis Den Haag ed elektesis Rejo dil Romani en 1248. Ilu decidis transformar la korto en "rejala palaco", qua originis la nuna Binnenhof. Tamen, ilu mortis ante ke la palaco kompleteskis.
La vilajo qua kreskis proxim Binnenhof mencionesis unesmafoye quale Die Haghe en 1242. Ol divenis la korto dil suvereni di Holando en 1358.
Dum tale nomizita Ok-yara milito, la manko di muregi cirkum ol montresis dizastroza, nam Hispani sucesis okupar ol. En 1575, la stati di Nederlando mem pensis pri demolisar l'urbo, ma ca ideo abandonesis pro mediaco dal princo Willem de Orange, surnomizita "la Tacema".
Den Haag recevis urbo-yuri erste en 1806 de Louis (Lodewijk) Napoleon, frato di Napoleon Bonaparte. Antee, Den Haag fakte esis vilajo ma kun multa specala privileji.
