Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la sinistra parto dil fenestro. Ni ja havas 24,784 artikli e multa kategorii.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
Hodie esas saturdio, 25 di mayo 2013. Kloko esas 17:33 (UTC)
| Lektez! |
- 30 po cento de 18–29 evanta simulas parolar per telefonilo pro ke evitez diskuto kun ula prezenta homo. Inter plu olda la procentala nombro esas 13. (Pew Internet & American Life Project, Washington, Usa.)
- 35 negativa efektin havas ula alkoholajo, exemple esvano, falo a meleo, duesmadiala nauzeo. Pozitiva efekti esis 14, inter altri plu bona kapableso jokar. (Studio da psikologi en l’Universitato di Washington, Usa.)
- 300 questionin questionas 2–10 yari evanta filio mezavalore de lua matro po dio. La maxim kurioza esas 4 yari evanta puerino, qua igas 390 questioni. (Internetala studio da Littlewoods.com de mil matri en marto 2013.)
- 580.000 US$ kustas taxiala permiso en Istanbul, Turkia. La preco triopleskis en 9 yari. Nun la taxiisti povas nur lokacar l’uzoyuri de la permisieri. (Bloomberg Businessweek, Nova York, marto 2013.)
- 630.000.000 adulti en mondo fantazias ekmigror de sua hemolando. La maxim populara emo esas Usa. Pri enmigro adibe fantazias exemple 19 milioni Chiniani e 13 milioni Nigeriania. (Studio inter 2010 e 2012 en 154 landi de 5 milioni homi.)
|
|
Eventi en historio
Ye 25 di mayo …
526. Grava ter-tremo eventis ye Antiok, importanta urbo di la Bizanta imperio. Fairi sequis, qui destruktis domi ne destruktita da la ter-tremo. Segun supozaji, cirkume 250.000 homi mortis; multi esis vizitanti a la urbo de la vicina regioni, por la acenso-festo. Eufrasius, la Patriarko di Antiok, esis viktimo. La kirko Domus Aurea esis domajata dum la ter-tremo, e pos sep dii di fairo ol esis destruktata. Ca granda oktogonatra kirko esis konstruktita dum la regno di imperio Konstantinos en 327, e konsakrita en 341. Ol esis ri-konstruktata, ma plura sequanta ter-tremi de 528 til 588 domajis la edifico. Pos grava ter-tremo di 588 la kirko ne esis ri-konstruktata; esas supozata ke la importo di Antiok ye ta tempo esis diminutita.
1889. La aviacilo-desegnisto Igor Sikorsky naskis en Kiev. Ilua patro, Ivan Alexeevich Sikorsky, esis profesoro di psikologio, ed esis decendanto di Polona nobeli. La yuna Igor esis inspirata da la verkaro di Leonardo da Vinci e la rakonti di Jules Verne. Il studiis kom injenioro ye la navala akademio di St. Petersburg. Dum 1909 il studiis en Paris, qua lore esis notenda aviacala centro. En 1913, ye la aviacilo-fako di fervoyala veturo-fabrikerio en St. Petersburg, il konstruktis la unesma quar-motora aeroplano qua povis flugar. De 1919 il rezidis en Usa; pos kelka yari kom docisto il establisis kompanio qua desegnis e produktis mar-aeroplani. Il havis intereso pri vertikala flugado; en 1940 ilua experimentala helikoptero facis unesma flugo, e ca desegnuro divenis la unesma helikoptero fabrikata en granda nombri.
1955. En Usa, la piktisto Edward Hopper (1882–1967) recevis la yarala Ora Medalio de la National Institute of Arts and Letters. Il studiis ye skolo di arto en New York; de 1906 til 1910 il voyajis plurafoye a Paris, ube il interesis pri impresionismo. De 1913, pos periodo kom komercala artisto, il establisis sua studieyo en New York ube, dum la restajo di vivo, il produktis sua pikturi. Il ganis famo dum la 1920-yardeko; ilua stilo ne chanjis en posa yari; il duris produktar singla-yare du o tri pikturi. Ordinara ceno di moderna Usa esas piktata, qua inkluzas izolata reflektema figuro o figuri, quo donas quaza dezolata humoro: exemple, ilua pikturo Nighthawks di 1942.
|
|
| Kunlaborez! |
|
Elizabeth Taylor, anke konocita sub la diminutivo Liz Taylor (1932 til 2011), esis Britanian aktorino kun violea okuli. Elu recevis 2 Oscar-premii di maxim bona aktorino: ye 1960 (kun la filmo Butterfield 8) ed ye 1966 (kun la filmo Who's Afraid of Virginia Woolf?).
- Eventi en 1913
- Afrika
- 18 di julio - Armeo komandata da Francisco Franco bombardas populo di Tetuan, Maroko.
- Azia
- 11 di januaro - Tibet proklamas lua nedependeso.
- Nord-Amerika
- 22 di februaro - En Mexikia, prezidanto Francisco Ignacio Madero e vice-prezidanto José María Pino Suárez esas mortigita.
- Sud-Amerika
- 1 di decembro - Buenos Aires inauguras lua unesma lineo di metropoliteno*.
- Europa
- 2 di januaro - Otoman imperio abdikas de lua teritorii en Europa ecepte la stretajo, e propozas la nedependeso di Albania.
- Oceania
- Wallis-Insuli divenas protektorato di Francia.
Schengen-konvenciono finis omna kontrolo dil personi dum la paso trans limiti en ta parto di Europa. On kontrolas l’ identifikanta dokumenti nur che la limito inter ula Schengen-lando ed ula ne-Schengen-lando. Altralatere segun la konvenciono, Schengen-landala polici intensigas la policala koopero inter li.
ABBA esas muzikala grupo de Suedia formita da Anni-Frid Lyngstad, Björn Ulvaeus, Benny Andersson e Agnetha Fältskog. La grupo havis granda suceso de 1972 til 1983. La nomo ABBA esas akronimo di Anni, Benny, Björn ed Agnetha.
|
|
Altra projekti
.jpg)
