Edward la 6ma di Anglia
| Edward la 6ma di Anglia | ||
| ||
Rejo di  Anglia
| ||
| Guvernisteso: | de 28 di januaro 1547 til 6 di julio 1553 | |
| Precedanto: | Henry la 8ma | |
| Sucedanto: | Jane Grey o Mary la 1ma | |
| Personal informi | ||
| Naskodato: | 12 di oktobro 1537 | |
| Naskoloko: | Palaco Hampton Court, Middlesex, Anglia | |
| Mortodato: | 6 di julio 1553 | |
| Mortoloko: | Palaco di Greenwich, Anglia | |
Edward la 6ma (n. ye la 12ma di oktobro 1537 til la 6ma di julio 1553) esis rejo di Anglia e di Irlando de la 28ma di januaro 1547 til sua morto.
Il esis filiulo di Henry la 8ma e lua spozino Jane Seymour, ed il divenis rejo ye la morto di Henry en 1547.
Il kronizesis ye la 20ma di februaro 1547, du dii pos la morto di ilua patro. Pos la kronizado, festino eventis ye la Halo di Westminster.
Il esis inteligenta puero, e recevis multa edukado; dum ilua kurta regno il avancigis edukado, establisante plura nova skoli. Dum la lasta yaro ilua saneso divenis sempre plu mala. Ilua protektanto esis la duko di Northumberland; kom protestanto, Edward asentis a l'opiniono di la duko, ke la sucedanta rejo mustus ne esar Mary (mifratino di Edward), qua esis katolika. La projeto di la duko esis entronigar siniorino Jane Grey, a qua la filiulo di la duko esis recente mariajata; ed elqua esis posnepotino di rejo Henry la 7ma di Anglia. Kande Edward mortis, evante 15 yari, la duko esforcis realigar sua projeto.