Irez a kontenajo

Adis Abeba

De Wikipedio
(Ridirektita de Addis Ababa)
Adis Abeba
Arkivo:Adis Abeba (16314616596).jpg
Edifici en Adis Abba.
Lando: Etiopia
Informo:
Latitudo: 9°01'48" N
Longitudo: 38°44'24" E
Altitudo: 2355 m
Surfaco: 530,14 km²
Habitanti: 3 384 569 (2008)
Denseso di habitantaro: 5165,1 hab./km²
Horala zono: UTC+3
Urbestro: Kuma Demeksa
Mapo di Adis Abeba
Oficala retosituo:
www.addisababacity.gov.et/
Addis Ababa, kun hotelo Sheraton.

Adis Abeba esas chef-urbo e la maxim populoza urbo di Etiopia. Ol havis 3 384 569 habitanti en 2008. Lua tota surfaco esas 530,14 km².

Situo selektita en 1887 dal Imperiestro Menelek II. Lua nomo devenis del Amhara adis signifikante 'nova', ed abeba signifikante 'floro'.

Ol esas sideyo di la maxim anciena universitato de Etiopia: l'universitato di Adis Abeba fondesis en 1950, da Haile Selasie.

Geografio[redaktar | redaktar fonto]

La reliefo di Adis Abeba esas montoza, jacanta en platajo kun altitudi inter 2.300 e 2.600 metri adsur la marala nivelo. Lua maxim alta punto jacas an la monti Entoto, havanta plu kam 3.000 metri di altitudo.

La klimato dil urbo esas subtropikala de alta regioni (Cfb segun la klimatala klasifikuro da Köppen) kun mixo di montala klimato. La mezavalora temperaturi varias poke dum la yaro, de 14,8 °C en novembro til 18°C en mayo. Ultre to, pro la diferi di altitudo en l'urbo ipsa, la temperaturi povas variar per 10°C inter diferanta regioni.

La pluvoza sezono iras de aprilo til septembro. La mezavalora yarala pluvo-quanto esas 1165 mm, e la maxim pluvoza monato esas agosto, kun mezavalore 290 mm.