Videz la fonto/fonti por Aeroportuo

[[Arkivo:Singapore Airlines aircraft parked at Terminal 2 of Singapore Changi Airport.jpg|thumb|280px|[[Aviono|Avioni]] en termino dil aeroportuo di [[Singapur]].]]
'''Aeroportuo''' od aerodromo esas loko ube [[aviono|avioni]], [[helikoptero|helikopteri]] od [[aeronavo|aeronavi]] startas e/o tervenas. Aeroportuo havas adminime un [[avion-voyo|voyo preparita por starto o terveno]] di avioni ed ordinare inkluzas edifici, exemple turmi, por kontrolo dil aerala trafiko, [[hangaro|hangari]] e termini por embarko e/o desembarko di voyajanti. Militala aeroportuo esas nomata anke aerala bazo.

La vorto '''aerodromo''' esas ordinare uzata por nomar simpla aeroportui, sen multa substrukturi por voyajanti. Omna aeroportui esas aerodromi, ma ne omna aerodromi esas aeroportui. Ordinare, por esar konsiderata ''aeroportuo'' e recevar ofta komercal aviaci, aerodromo mustas satisfacar obligi e normi pri sekureso kontrolata da lokala od internaciona autoritati.

Aeroportui povas recevar kargajo, voyajeri od ambi. Ordinare ol komunikas a vicina urbo od urbi per chosei, fervoyi od urbala fervoyi. La maxim granda aeroportui povas recevar mili de personi singladie. Segun raporto da CIA, en [[2009]] existis cirkume 44,000 aeroportui od aerodromi "videbla de l'aero" en la tota mondo, inter qui 15,095 situita [[Usa]].

===Substrukturo===
[[Arkivo:AirportFrankfurt fromair.jpg|thumb|280px|L'aeroportuo di [[Frankfurt]].]]
Mikra aeroportui - la maxim multa aeroportui en la mondo - ordinare havas un voyo por starto o terveno longa de 1,000 metri (cirkume 3,300 futi) o mine. La voyi en granda aeroportui ordinare esas longa de {{formatnum:2000}} metri ({{formatnum:6600}} futi) o plue.

La maxim multa aeroportui ne havas anke turmo por kontrolar l'aerala trafiko, ma la granda aeroportui havas ol. La kontrolisti uzas [[radaro]] por lokizar la situeso dil avioni e komunikas kun l'avioni e kun la krui sur sulo per [[radio]], por organizar la terveni e la starti.

===Precipua aeroportui (segun nombro di voyajanti - 2012<ref>{{extera ligilo|url=http://www.aci.aero/Data-Centre/Monthly-Traffic-Data/Passenger-Summary/Year-to-date|titulo=Year to Year Passenger Traffic}}</ref>)===
{|class="wikitable"
! Nomo
! Urbo
! Lando
! Voyajanti
|-
| Internaciona Aeroportuo Hartsfield-Jackson 
| [[Atlanta, Georgia]]
|{{USA}}
| {{formatnum:80275856}}
|-
| Aeroportuo di Beijing
| Chaoyang, [[Beijing]]
| {{CHN}}
| {{formatnum:68846257}}
|-
| Aeroportuo Heathrow
| [[London]]
| {{GBR}}
| {{formatnum:59024547}}
|-
| Aeroportuo O'Hare
| [[Chicago]], [[Illinois]]
| {{USA}}
| {{formatnum:56912506}}
|-
| Internaciona Aeroportuo di Tokyo 
|  Ōta, [[Tokyo]]
| {{JAP}}
| {{formatnum:56099457}}
|-
| Internaciona Aeroportuo di Los Angeles
| [[Los Angeles]], [[Kalifornia]]
| {{USA}}
| {{formatnum:53468686}}
|-
| Paris-Charles-de-Gaulle
| [[Paris]]
| {{FRA}}
| {{formatnum:52398920}}
|}

=== Kelka remarkinda aeroportui ===
L''''aeroportuo ''Charles de Gaulle''''' imauguresis ye la [[8ma di marto]] [[1974]]. La konstruktado di la aeroportuo, ye 25 km nord-este de [[Paris]], komencis en 1966. Termino 1, qua existas de la inauguro, havas ronda edifico ek dek etaji, kun sep satelitala strukturi komunikanta a la centrala strukturo per sub-tera pedovoyi; la arkitekto esis [[Paul Andreu]]. Nuntempe existas tri termini. Ol esas la maxim granda aeroportuo en Francia. En 2012 ol esis la sepesma aeroportuo en la mondo, segun aviono-trafiko e nombro de voyajanti.

L' '''aeroportuo ''John F. Kennedy''''', qua olim nomizesis '''aeroportuo ''Idlewild''''', ed esis konocata kom "Internaciona Aeroportuo di New York", inauguresis en [[1943]]. Ol konstruktesis por helpar l'aeroportuo ''La Guardia'', inaugurita en [[1939]] ma lor ja plena. Nun, plu kam 70 aerolinei funcionas ibe. Ol havas 6 termini e 151 pordi. Du anciena termini (la 6ma e la 3ma) demolisesis.

[[Arkivo:Kansai closeup.jpg|thumb|left|250px|Satelitala fotografuro pri l'aeroportuo di Kansai.]]
'''L'Internaciona aeroportuo ''Kansai''''' en [[Japonia]] konstruktesis sur artificala [[insulo]] ed inauguresis ye la [[4 di septembro|4ma di septembro]] [[1994]]. La konstrukturo komencis en [[1987]], por helpar l'aeroportuo di [[Osaka]], lore ja plena. Ol recevas interna ed anke internaciona aviaci. Nun ol havas du termini, e la triesma konstruktabas. Du [[espreso]]-linei servas l'aeroportuo. L'artificala insulo esas longa de 4 km e larja de 2.5 km. [[Ponto]] longa de 3 km ligas l'artificala insulo a [[Honshu]].

[[Arkivo:Paro_Airport.jpg|thumb|280px|Aeroportuo Paro en [[Bhutan]].]]
'''L'aeroportuo Paro''', un ek la quar aeroportui di [[Bhutan]] e l'unika internaciona aeroportuo di la lando, judikesas un de la maxim danjeroza por startar o tervenar. Jacante {{formatnum:2235}} metri super la [[marala nivelo]], meze dil montaro [[Himalaya]], nur 8 pilotisti judikesas sat kapabla por tervenar ibe.<ref>{{extera ligilo|url=http://www.dailymail.co.uk/news/article-2079836/The-Himalayan-airport-dangerous-pilots-qualified-land-there.html |titulo=Now might be time for the brace position! The Himalayan airport so dangerous only eight pilots are qualified to land there |idiomo={{en}}|editero= Dailymail.co.uk}}</ref>

'''L'aeroportuo 'Juancho E. Yrausquin''''' en [[Saba]] havas la maxim kurta treko por departo e terveno por uzo komercala en la mondo: ol esas longa de nur 396 metri. La treko esas uzebla nur da avioni propulsita per [[helico]], ma ne da turboreaktor-avioni.

=== Referi ===
{{reflist}}

[[Kategorio:Aeroportui| ]]