Al-Kateb k Godwin

De Wikipedio
Jump to navigation Jump to search

Al-Kateb k Godwin esis importanta korto-kazo decidita da la Supra Korto di Australia ye la 6ma di agosto 2004. Ol esis pri viro sen irga civitaneso qua ditenesis sub la sistemo en Australia qua igis ke omna enmigranti en ta kazo mustis ditenesar. Lua apliko por protekto refuzesis, e pro ke lu ne esis civitano di irga lando, nula lando aceptis lu. La problemo en ica kazo esis ka ne-definata diteneso esas legala o ne, e fine la korto decidis ke la respondo esas yes.

Ahmed Al-Kateb naskis en Kuwait en 1976, e lua gepatri esis de Palestina. Pro ta motivo lu nultempe ganis civitaneso de irga lando, ed esis sennacionaneso. Ilu voyajis per navo en decembro 2000, arivis sen pasporto, e ditenesis sub la Migration Act (l'Australiana lego pri migrado adoptita en 1958).

La korto konsideris pri du precipua questioni:

  1. Sub la migrado-lego, ka la stato povas ditenar ula persono senlimite?
  2. Se yes, ka la lego esas kontrekonstitucala?

La respondo pri la unesma esas no, e do la korto decidis ke la lego ne esas kontre la konstituco.