Alice e Bob

De Wikipedio
Komunikala skemo inter Alice e Bob kun intercepto da Mallory

Alice e Bob esas kustumala roli che kriptologio. Ca nomi uzesas vice "persono A" e "persono B". Maxim ofte la skopo di Alice e Bob esas interkomunikar sekure.

Amba nomi inventesis da Ron Rivest en 1978. Pos ke la uzo di Alice e Bob populareskis, plusa rolo-nomi kreesis kun aparta signifiko por singla.

Listo di la roli[redaktar | redaktar fonto]

Legitima uzeri[redaktar | redaktar fonto]

  • Alice e Bob esas la originala roli. Li volas interchanjar mesajo o chifroklefo.
  • Carol, Carlos o Charlie esas triesma rolo qua partoprenas la interchanjado.
  • Chuck esas triesma partoprenanto, kustumale kun malicoza intenci.
  • Dan, Dave o David esas quaresma partoprenanto.
  • Erin esas kinesma partoprenanto, ma neofte uzesas pro la konfundebleso kun Eve rilate la litero E.
  • Frank esas sisesma partoprenanto.

Adversi[redaktar | redaktar fonto]

  • Eve, extera askoltanto (Angliana eavesdropper), esas pasiva atakanto. Dum ke el povas askoltar la interchanji di Alice e Bob, el ne povas modifiki oli.
  • Mallory (malicozo) esas aktiva atakanto. Difere di Eve, Mallory povas modifiki la mesaji, subtitucar sua mesaji, rimeti anciena mesaji, e.c. Sekurigar sistemo kontre Mallory esas plu desfacila kam kontre Eve.
  • Oscar esas opozanto qua similesas a Mallory ma ne-necese malicoza.
  • Trudy esas intruzanto. El esas plu danjeroza kam Eve, ma min kam Mallory, nam el povas modifikar nur mesaji transitanta.

Altra partoprenanti[redaktar | redaktar fonto]

  • Isaac esas Interretala provizisto (Angliana Internet Service Provider, ISP).
  • Judy esas judicisto qua povas intervenar por solvar ula konflikto inter partoprenanti.