Alzheimer-morbo

Komparo di du cerebri: sana (adsinistre), e kun Alzheimer-morbo (addextre).

Alzheimer-morbo, Alzheimer-dementeso o senila dementeso esas la maxim frequa formo di dementeso. Ol esas neremediebla, degeneranta e terminala morbo qua esis unesme deskriptita dal Germana mediko Alois Alzheimer en 1906. Ordinare ol evolucionas en personi evante plua kam 65 yari, ma en rara okazioni ol povas aparar en personi plu yuna. En 2006 cirkume 26.6 milion personi en la mondo subisis ta morbo.

Quankam l'evoluciono dil Alzheimer-morbo povas variar segun la personi, kelka komuna simptomi esas la desfacileso por asimilar nova memori, konfuzeso, iritebleso, ataki, ocilo di humoro, paneo di parolo, perdajo dil anciena memori, e generala retreto di la malado samatempe kam lua senci dekadas. Gradope korpala funcioni cesas, e fine to produktas la morto.

Kauzi e progreso di Alzheimer-morbo ne esas tote konocata. Kuracadi prezente uzata ofras nur simptomatra profiti.