Anemio

De Wikipedio
Jump to navigation Jump to search
Mikroskopa imajo pri sangala celuli de persono kun anemio.

Anemio esas deskresko di la quanto di reda sangala celuli od hemoglobino en la sango[1][2], o diminuto di la kapaceso pri transportar oxo. Kande l'anemio aparas lente, la simptomi povas inkluzar fatigo, febleso, kurta respirado e povra kapableso por facar korpala esforco. Kande la simptomi esas frequa, li povas inkluzar mentala konfuzeso, sentar quale on iros sinkopar, perdo di koncio, od augmento di dursto.[3]

Kavalo kun anemio infektiva.

Anemio povas afektar homi ed animali, exemple l'anemio infektiva di kavali, qua transmisesas de l'un animalo a l'altru per piko da zeki. L'anemio en kavali povas mortar o nekapabligar l'animali.

La kauzo dil tri precipua tipi di anemio esas: la perdo di sango, deskresko di la produkto di reda sangala celuli, od augmento di la destrukto di la reda celuli. La perdo di sango povas eventar, inter altra kauzi, pro traumati, pro stomakala od intestinala sango-ekfluo, od altri.[3] La deskresko di la produkto di reda celuli povas eventar pro manko di fero en la dieto, manko di vitamino B12, talasemio, edc.[3] L'efiko di la vitamino B12 por kombatar anemio studiesis unesmafoye dal Usana mediki George Minot, George Hoyt Whipple e William Parry Murphy, qui recevis la Nobel-premio pro ta deskovro en 1934. L'augmento di la destrukto di reda celuli povas eventar pro genetikala morbi, infekti quale malario, e kelka auto-imuna morbi.[3]

Referi[redaktar | redaktar fonto]

Wikipedio
Wikivortaro explikas
ca rubriko
en altra lingui: Anemio
  1. What Is Anemia? – NHLBI, NIH. URL vidita ye la 31ma di januaro 2016.
  2. Rodak, Bernadette F. (2007) - Hematology : clinical principles and applications - . Hematology : clinical principles and applications. (Philadelphia) Saunders.
  3. 3,0 3,1 3,2 3,3 Eroro: template:cite web: Vu mustas precize definar la parametri url e titleJanz TG, Johnson RL, Rubenstein SD. pp. 1–15; quiz 15–6