Anestezio

De Wikipedio
Uzo di anesteziivo che puero.

Anestezio esas la procedo di blokusar la percepto di doloro ed altra senci. To permisas kuracati subisar kirurgio ed altra proceduri sen la ditreso e dolori qui altre li sentus.

On povas klasifikar l'anesteziivi (to esas, la substanci uzata por produktar l'anestezio) segun lua propraji anesteziiva, en du tipi: generala anesteziivi e lokala anesteziiivi. La generala anesteziivi produktas renversebla perdajo di la koncio, ed uzesas precipue en longa o delikata kirurgii. La lokala anesteziivi uzesas precipue en simpla kirurgii, ube kelkafoye esas interesanta por la mediko parolar kun la kuracato, exemple cezarala operaco, dentala kuracado, edc.

Existas du formi di apliko di anesteziivi: per inhalo (exemple etero, kloroformo, nitroz oxido - N2O, anke konocita kom "ridiganta gaso" -, edc) o per injekto (exemple morfino, lua derivanti o simila substanci).

Wikipedio
Wikipedio
Wikivortaro explikas
ca rubriko
en altra lingui: Anestezio