Apollo 10
Apollo 10 esis spaconavo por probar la equipajo e procedi di projetata ter-veno sur la luno.
Lo esis misiono di la projeto Apollo di Usa; la navo esis la duesma, pos Apollo 8, qua eniris orbito cirkum la luno. Ol lansesis ye 18ma di mayo 1969, portante Thomas Stafford, Gene Cernan e John Young. Ye 22ma di mayo, Stafford e Cernan separis la lunala modulo de la komandala modulo, e li decensis vers la surfaco di la luno, til ke li atingis disto 15,6 km de la surfaco. Li surveyis la projetata arivo-loko, en Mare Tranquillitatis, por Apollo 11.
Li retrovenis a la komandala modulo, ed Apollo 10, pos 31-foye irante cirkum la luno, retrovenis a Tero kun la tri voyajanti, arivanta ye 26ma di mayo. La suceso di la misiono posibligis la terveno, pos du monati, di la misiono Apollo 11.
Plu tarde, John Young esis komandanto di Apollo 16, e Gene Cernan esis komandanto di Apollo 17.