Artemis 1
.jpg)
Artemis 1 esis misiono di NASA por sendar spaconavo, sen homi, aden orbito cirkum la luno. La skopo esis probar la spaconavo Orion, preparante por futura explorado di la luno da homi. La programo Artemis esas nomizita por Artemis, fratino di Apollon en Greka mitologio.
Ol lansesis ye 16 di novembro 2022. Orion preterpasis la luno ye 21 di novembro, e dum sis dii ol esis en distanta retro-iranta orbito cirkum la luno; minima disto de la surfaco esis 130 km, maxima esis 432.210 km, quo esas la maxim fora de Tero di irga spaconavo qua retrovenis a Tero. En la navo esis tri manekini, qui portis instrumenti por furnisar informeso pri lia sensala experienci dum la exkurso.
Orion retrovenis a Tero, sur l'Oceano Pacifiko, ye 11 di decembro.
La intenco esas sendar Artemis 2, kun homi, aden orbito cirkum la luno en 2024; on expektas ke Artemis 3 pose atingos la surfaco di la luno, l'unesma vizito di homi depos Apollo 17.