Batalio di Grunwald

De Wikipedio
Irez a navigado Irez a serchilo
Batalio di Grunwald
Jan Matejko, Bitwa pod Grunwaldem.jpg
Bitwa pod Grunwaldem ("batalio di Grunwald"), piktita da Jan Matejko.
Konflikto: milito Polona-Lituana-Germana
Dato: 15ma di julio 1410
Loko: inter vilaji Grunwald (Grünfelde) e Stebark (Tannenberg), Mazuria
Rezulto: Importanta vinko Polona-Lituana
Militanti
Rejio Polonia
Granda-dukio Lituania
vasali, mercenarii e federiti di amba landi
Germana kavalieri
Vasali, federiti e mercenarii qui suportis li
Komanderi
Wladyslaw la 2ma di Polonia
Granda-duko Vytautas la Granda
granda-chefo Ulrich von Jungingen †
Friedrich von Wallenrode †
Trupi/equipuri
16 mil til 39 mil soldati 11 mil til 27 mil soldati
Perdaji
nekonocata (videz la texto) 203 o 211 de 270 chef-kavalieri mortigita (videz plusa informi en la texto)
{{{perdaji}}}

La batalio di Grunwald, anke nomizita unesma batalio di Tannenberg o batalio di Žalgiris esis batalio eventinta dum la milito inter Polonia-Lituania e Germana kavalieri. Ye la 15ma di julio 1410, la federo inter Rejio Polonia e Granda-dukio Lituania — komandita, rispektive, dal rejulo Władysław la 2ma di Polonia (Jogaila) e la granda-duko Vitautas— konfrontis Germana kavalieri, komandita dal granda-maestro Hochmeister Ulrich von Jungingen. Multa ek la chefi di Germana kavalieri asasinesis o divenis militala kaptiti. Malgre esar vinkita, Germana kavalieri rezistis l'asiejo di lua fortreso en Malbork, e perdis pouca teritorii kande signatesis tale nomizita "Paco di Thorn" (Toruń) en 1411, kontre ke altra teritoriala disputi duris til tale nomizita "Paco di Melno", establisita en 1422. Tamen, kavalieri nulafoye pose rekuperis lia anciena povo, e lia granda spensi kun militala indemni efektigis interna konflikti e krizo ekonomiala en teritorii sub lia administrado. La batalio modifikis povo-equilibro em Central ed Estal Europa, e plufortigis l'unigo politikala inter Polonia e Lituania, qua divenis la precipua politikala povo en la regiono.

Pri la quanto di mortinti, informi sendita a Sigismund, Santa Romana imperiestro ed a barono Miklós la 2ma parolas pri 8 mil mortinti "en amba flanki". Tamen, l'informo esis nepreciza, e ne restas klara se la tota quanto di mortinti esis entote 8 mil, o 16 mil.[1] Papala buloletro mencionis 18 mil "kristani mortinta".[1]

Referi[redaktar | redaktar fonto]

  1. 1,0 1,1 Bumblauskas, Alfredas:Žalgiris: neatsakyti klausimai Publikigita da Lietuvos Istorijos Studijos. Publikigita ye 2010. Idiomo: Lituaniana.