Bataliono
-_Infantry_(NATO_APP-6).svg)
Bataliono esas militala unajo. La uzo di la vorto "bataliono" varias segun naciono e segun fako. Ordinare ol konsistas ek 300 til 800 soldati komandata da lietnanto-kolonelo. En kelka landi la vorto "bataliono" asociesas kun la infantrio.
La vorto battaglione uzesis unesmafoye en Italia, admaxime dum la 16ma yarcento. Ol originis del Italiana vorto por batalio, battaglia. La vorto batallion uzesis en l'Angla dum la yari 1580a, ed uzesis unesmafoye por signifikar "subdividuro de ula regimento" en 1708.
"Bataliono" esas la min granda militala unaji qua povas facar "limitizita e nedependanta operaci".[1] To signifikas ke ol havas komandanto, suporto-grupo e servado-grupo, e mustas esar kapabla por riprovizar su por mantenar operaci dum kelka dii. Segun fako, bataliono povas esar parto de regimento, brigado od aer-armeala grupo.
Referi
[redaktar | redaktar fonto]- ↑ Encyclopedia of Military Science. Publikigita da Sage Publications. Dato di publikigo: 2013. Pagino/pagini: 874.