Blok-kateno

De Wikipedio
Irez a navigado Irez a serchilo

Blok-kateno esas sistemo por stokigar datumi en kateno de datumo-bloki, ube la bloki ne povas esar chanjata. La bloki nur povas esar adjuntat a la fino di la kateno. Singla bloko kontenas kriptografiala hachajo del antea bloko, tale-nomizita tempo-marko, e la transfero-datumi (generale reprezentata kom Arboro di Merkle). Bloko kontenas plura transakti, qui esas la rezulto di emisita pregi o komisi di transfero. Por l’aktuala statuto di datumo en bloko omna bloki devas esar konsiderata, pro ke ti povas kontenar chanji, segun posibleso di lia karaktero. La datumi exemple povas esar transferi di kripto-pekunio ( e per to, tam longe kam ankore ne esas spensita, posedaji di la recevanto), ma oli anke povas kontenar akti di proprieteso, interkonsentaji, personala mesaji od altra informajo. Lo specala pri blok-kateno esas ke omna to esas posibla sen central autoriteso tale ke ne esas posibla falsigar la registragita datumi per koruptar un centrala punto. Konocat implementi di la blok-kateno esas Bitcoin kun la kriptovaluto bitcoin (BTC), ed Ethereum kun kriptovaluto ether (ETH).