KOVID-19

De Wikipedio
(Ridirektita de COVID-19)
Irez a navigado Irez a serchilo

KOVID-19, kurtigita formo de Koronoviruso Dessaneso plus la yaro dil unesm aparo 2019 (en l'Angla coronavirus disease 2019) esas infektiva morbo efektigata dal viruso SARS-KoV-2.[1] Ol produktas simptomi simila a gripo, inkluzite febro, sika tuso, malarespiro, doloro en la muskuli e fatigo. En severa kazi ol produktas pulmonito, sindromo akuta pri respirala desfacileso, septicemio e generaligata septicemio, qua produktas morto en 3% de la maladi. Ne existas specifika kuracado; la skopo di la precipua terapiala trakti esas prezervar la vivo-funcioni. Ca morbo deskovresis unesmafoye en Wuhan, Popul-Republiko Chinia.

La transmiso di SARS-KoV-2 eventas per mikra guteti - guteti di Flügge - qui emisesas tra parolado, rumorado, tusado o sternuto. Simptomi aparas pos du til dek-e-quar dii, mezavalore pos 5 dii, pos expolo a la viruso.

La Mondal Organizuro pri Saneso supozas ke la morbo havas zoonozala karaktero, quankam en 2021 ne esas konkordo pri to.

Referi[redaktar | redaktar fonto]