Pulmonito
Pulmonito esas inflamuro di la parenkimo di pulmono, afektanta precipue l'alveoli. Olua simptomi esas precipue tuso sika o kataroza, febro e desfacileso por respirar. La severeso di la kondiciono esas variebla.
Ordinare, la kauzo di pulmonito esas infekto da virusi o bakterii, e min freque da altra mikroorganismi. Identificar la patogeno povas esar desfacila. La bazo por diagnozo esas la simptomi e fizikala exameno. Radiografuro di pulmoni, probi di sango, e kultivo dil expektoruro povas konfirmar la diagnozo[1].
Referi
[redaktar | redaktar fonto]
- ↑ "How Is Pneumonia Diagnosed?" - Publikigita da National Heart, Lung and Blood Institute. URL vidita ye 2ma di aprilo 2025. Idiomo: Angla.