Cembro
Cembro esas nomo di speco di pino, di qua la semini esas manjebla. Originita de Europa, ol kreskas en Alpi e Karpati, en altitudi inter 1200 e 2300 metri sur la marala nivelo.
L'arboro adulta povas atingar 25 til 35 metri di altajo, e la diametro dil arborotrunko povas atingar 1,5 metri. L'arboro povas vivar inter 500 e 1000 yari, ed atingas riproduktiva matureso proxim 50 yari.
Siberiana cembro (Pinus sibirica) kelkafoye judikesas da botanisti kom subspeco di Europana cembro.
