Christine Blasey Ford

De Wikipedio
Jump to navigation Jump to search

Christine Margaret Blasey Ford (naskinta ye novembro 1966) esas profesoro di psikologio che Palo Alto University ed explorala psikologo che la Stanford University School of Medicine. Elu specaligas su en developar modeli statistikala por psikologial explorado.

Lu akuzis judiciisto Brett Kavanaugh, kandidato por la Supra Korto, ye la somero di 2018 pri sexuale atentir ed esforcir violacar el dum partieto en la somero di 1982. Ca alegaji divenis publika en septembro 2018.

Frua vivo[redaktar | redaktar fonto]

Elua genitori es Paula K. e Ralph G. Blasey Jr. e lua fratuli nomesas Tom e Ralph III. Ford kreskis en l'avanurbi di Washington D.C. El studiis che Holton-Arms School de 1978 til 1984, ube lu partopenis en sportala plunjado. Lua alegajo pri Kavanaugh anke eventus ye ica periodo, precize en la somero di 1982.

El studiis psikologio experimentala che University of North Carolina at Chapel Hill, klinikala psikologio che Pepperdine University e recevis lua doktorato di edukala psikologio del University of Southern California en 1996. Elu anke studiis epidemiologio, specaligita pri biostatistiko, che Stanford University School of Medicine, recevante MS-grado ye 2009.

Alego kontre Brett Kavanaugh pri sexuala violento[redaktar | redaktar fonto]

Ford alegas ke ebria Kavanaugh esforcis violacar e silencigar el, kande elu evis 15 yari e Kavanaugh evis 17 yari. El dicis ke to eventis dum la somero di 1982 ye semanodio dum partieto che domo. Kavanaugh e Mark Judge trovus lu irante a balnochambro, cernus e pulsus lu aden dormochambro ed esforcus violacar lu. El asertis ke ili lautigis la muziko por celar bruiso e ke Kavanaugh, esante ebria, metis el sur lito, kushis su sur el, tastis el ed esforcis desmetar elua vesti. Ford anke dicis ke il metis sua manuo sur elua boko, kande el esforcis vokar. El dicis ke el timis ke Kavanaugh sufokus elu acidentale. Pose Judge saltus sur la lito, pulsante omni adsur la sulo e donante a Ford l'okaziono eskapar. Segun el Brett Kavanaugh, Mark Judge, ula yunulo nomita P.J. Smyth, altra yunulo, la nomo di qua el ne savas, ed elua amikino Leland Ingham Keyser asistis la partieto. Elu kredis ke Kavanaugh esforcis violacor el.

Ye la 2ma di oktobro, Donald Trump feroce mokis Ford che ralio, sugestante ke elua alegajo ne esus kredinda. Il antee nomabis el "tre kredebla testo” e “tre decanta muliero". Plura prominenta homi kondamnis ilua mokado.[1]

Referi[redaktar | redaktar fonto]

  1. Maggie Haberman e Peter Baker, New York Times, Trump Taunts Christine Blasey Ford at Rally