DNA
DNA (abreviuro di desoxigen-*riboso-nukleik-acido, kurte: *desoxiribonukleikacido) esas biokemiala makromolekulo qua funcionas kom la maxim importanta portanto di heredal o genetal informo en omna konocat organismi, ma anke en virusi (ultre RNA-virusi). DNA apartenas same kam RNA a la nukleik-acidi. DNA-molekulo existas de du longa plekturi de nukleotidi, qui interplektesas en formo di duopla spiralo. La du plekturi interligesas per hidrogen-ponti, qui konstante ligas interopozanta nukleotidi. DNA kontenas quar diferanta nukleotidi kun la nukleobazi adenino, *timino, guanino e *citozino, abreviata per la rispektiva literi A,T.G e C. Amba plekturi esas komplementa pro ke la bazi nur povas aparar kom la bazo-pari A=T e G=C. A e T esas interligata da du hidrogen-ponti, G e C per tri hidrogen-ponti.