Dinastio Song

De Wikipedio
Chinia dum l'apogeo di la dinastio Song.
Imperiestro Taizu, qua regnis de 960 til 976.

La dinastio Song (Chiniane 宋朝; pinyin Sòng cháo) esis imperiala dinastio Chiniana, qua duris de 960 til 1279. Ol fondesis dal imperiestro Taizu de Song, pos ke lu uzurpis la trono de la dinastio Tarda Zhou, fininta l'epoko konocata kom "epoko di la kin dinastii e la 10 rejii".

La dinastio Song esis l'unesma en la historio qua uzis bankobilieti en tota la rejio, e l'unesma Chiniana dinastio qua kreis permananta mar-armeo. Ca dinastio ank uzis kanonopulvero unesmafoye. Dum ca dinastial epoko, kelk ek la maxim granda urbi de la mondo esis Chiniana, exemple Kaifeng (lore nomizita Bianjing, qua esis la chef-urbo dil rejio) e Hangzhou, lor ja havinta plu kam 1 milion habitanti, single.

En 1279, Kublai Khan vinkis la dinastio Song e konquestis lua teritorio, pos la batalio di Yamen, eventinta ye la 19ma di marto ca yaro.