Disk-jokeo

De Wikipedio
Irez ad: pilotado, serchez
Disk-jokeo uzas du turno-tabli por mixar muziki.
DJ che la muzik-festivalo Spring Awakening, en Chicago.

Disk-jokeo o simple DJ esas la persono qua mixas la foni de du o plura muziki pleanta, ordinare por asistantaro en dansoklubi o por brodkasto.

Komence, ta frazo uzesis por la persono qua mixis muziki enrejistrita en pleebla muzikala diski, ma nune le DJ anke povas mixar muziki enrejistrita en kaseti, CD, od enrejistrita per komputeri. Li anke povas kopiar mikra porcioni (nomizita sample en l'Angla) de naraci di filmi, de ritmala bati, de sonal efekti, de diskursi famoza o de altra muziki, por mixar kun altra muziki e krear versioni plue "dansebla". Li anke povas uzar nur la instrumentala versioni de kelka konocita muziki e deklamar ritmala poemi (Angle: rap) segun la ritmo de la muziko.

Existas diversa tipi di DJ, exemple le DJ qui laboras en radiostacioni; le DJ qui laboras precipue en noktala klubi; le DJ qui kreas hip-hop muziki; o le DJ qui laboras en precipue en granda areni, stadii, placi o parki por granda asistantaro, o dum granda muzikala festivali. Famoza exempli pri ta lasta tipo esas Tiësto, Fatboy Slim, Deadmau5, Armin van Buuren, ed altri.