Droste-efekto
Droste-efekto esas vidal efekto per qua imajo kontenas mikrigita versiono de su ipsa. Olua-foye, la mikrigita versiono kontenas mikrigita versiono de su ipsa, edc. Ca procedo de su-refero nomesas rekurso. En teorio to povas kontinuar senfine. En la praktiko la rekurso kontinuas til la maxim mikra detaligo posibla.
L’efekto esas nomizita segun Droste, produktisto di kakao. Sur la lata buxi de kakao flegisto esis videbla qua portas pleto kun ta sama buxo de kakao, sur qua anke flegisto esas videbla qua portas pleto kun ta sama kakao, edc., edc. L’imajo esis desegnita en1904 da Jan Musset.
L’efekto anke esis trovebla sur botelo de Haas-vinagro: l’etiketo di la botelo montris leporo qua havas botelo de Haas-vinagro en sua pedeti.