Edipo

Edipo esis la filiulo di Layos, rejulo di Tebe e di rejino Jokaste. Layos saveskis dal oraklo ke Edipo lu mortigus ed imperis ke la bebeo abandonesus en la monti. Il trovesis da pastoro qua adportis lu a Korinte ube il edukesis quaze propra filio da rejo Polibo. Kande Edipo pose iris a Delfi l'oraklo previdis ke Edipo ocidus sua patro e mariajesus a sua matro. Edipo ne retroiris a Korinte ma iris a Tebe ube il ocidis, dum disputo, nekonocato. Il salvis l'urbo Tebe de la Sfinxo qua tiranagis la populo. La populo rejigis Edipo ed ilta mariajis su a Jokaste, exakte quale previdis l'oraklo. Pos konciir to qua il facis il ekstekis sua okuli.