Feld-profundeso

De Wikipedio
Irez ad: pilotado, serchez
Makrofotografuro* kun poka feld-profundeso.

Feld-profundeso esas la spacala zono ube devas trovesar la fotografajo, por ke on povez obtenar imajo quan l'okulo (od altra sistemo) aceptas kom klara.

Esas forte konsilinda konsultar anke la sequanta artikli:

qui formacas koheranta ensemblo ed esas necesa por la kontenajo di la lasta artiklo.

  • La diafragmo esas esencala parto di ajusto qua havas la desavantajo obskurigar l'imajo kande on klozas ulo ; ol ne devus servar por dozigar la lumo.
  • Kande on klozas la diafragmo, la feld-profundeso augmentas, pos ke la difrakto gradigas l'imajo. Experta fotografanto savas augmentar o diminutar la zono di klareso segun la dezirata efekto; lu lasas l'aparato ajustar la diafragmo ipse.
  • Maxim bone, l'angulala separiveso dil okulo posibligas dicernar detali de 0.33 mm til 1 m, o de 3.3 mm til 10 m, edc., quo korespondas ad angulo proxim 1/3000 radiani. Por l'ordinara apliki on adoptas prefere 1/1500 radiani. Falio di kontrasto donas la trompanta impreso di manko di klareso.
  • L'iriso dil okulo e la diafragmo di fotografilo ne havas la sama funcioni, ed on devas desfidar omna trompiva komparo.

Feld-profundeso e mediala lumozeso[redaktar | edit source]

Por obtenar granda feld-profundeso, oportas klozar la diafragmo dil fotografilo.[1] Tamen, kande on klozas la diafragmo, on augmentas la difrakto, quo povas afektar la klareso e diminutar l'intenseso di la lumo qua atingas la fotografal filmo o la kamer-sensori, e konseque on mustas augmentar la expozo-tempo od uzar plu impresebla filmo, quo augmentas la grano e la fundo-bruiso an la sensori.[1]

Por obtenar mikra feld-profundeso, exemple por bone distingar la fotografajo del fundo, oportas apertar la diafragmo. Tale on obtenas abundanta lumo e kurta expozo-tempo.[1] Kontraste, per pasabla objektalo on forsan ne satisfacos la kondicioni di Gauss ed obtenos alterita imajo.[1]

Referi[redaktar | edit source]

  1. 1.0 1.1 1.2 1.3 Diana Barbosa e Manuel Silva Pinto (tradukis a la Portugalana) (novembro 2011). Teoria da fotografia (en (Portugalana)). Casa das Ciências. URL vidita ye la 19 di oktobro 2011.