Fonten-plumo
Fonten-plumo esas plumo di qua l'ink-kontenilo devas esar riplenigata per fluid inko, kontrastante la bul-plumo. To povas eventas per inko de inkuyo, ma hodie maxim ofte per uzo di uzo-pronta kartochi. Ante l'introdukto di la fonten-plumo la skriptisti mustis imersar lia plumo en inkuyo, kun la fonten-plumo to ne plu esis necesa.
Konstrukteso
[redaktar | redaktar fonto]Anciena fonten-plumi havis kauchuka saketo kun mikra levero, la moderna havas pistono qua esas servigata per skrubo. Multa de la hodiala fonten-plumi uzas kartochi, ma anke povas funcionar per konvertilo, per qua la plumo povas esar plenigata de inkuyo.
La maxim multa fonten-plumi havas klozilo, qua povas esar klikto-presata adsur o skrubagata de la plumo. Anke existas senklozila fonten-plumi kun sistemo simil a la bul-plumo: per presar butono ye la dopa di la plumo ekvenas la plum-pinto ekvenas. La klozilo protektas la lezebla plum-pinto e preventas la sikesko dil inko. La plum-pinto existas de du duimi, inter qui l'inko fluas per la kapilarefekto e per la gravito. La plum-pinto ofte esas de stalo, ma che plu chera fonten-plumi oli esas de oro od orizita. L'extremajo di la pinto esas extra hard e dikigita por kontre la paruzo e por povar donar aceptebla lineo. L'extremajo anke povas esar produktita de altra materialo, exemple iridio. Iridio apene plu esas uzata, ma la vorto konvene uzesas. La plum-pinto di fonten-plumo prenas 'la manuo' dil uzanto. Certe olime, kande la plum-pinti esis plu flexebla. Prezente la plum-pinti esas plu ferma, pro ke homi kustumas presar plu pezoze sur la papero per la bul-plumo.