Gaso

De Wikipedio
Nelibera balonegi plenigita per gasi plu lejera kam aero.
Wikipedio
Wikipedio
Wikivortaro explikas
ca rubriko
en altra lingui: Gaso

Gaso esas un ek la tri standi (solido, liquido, gaso) di materio. Inter lia propraji, gasi havas basa specifika pezo, alta presebleso, diafaneso, manko di rigideso, e pronteso plenigar existanta spaco. Aero ed aquovaporo esas ordinara exempli.

Ye suficante alta temperaturi, omna materii gaseskas. Gasi, inkluzite aquovaporo e karbobioxo, esas ofte produkturi de kombusto.

L'universo konsistas grandaparte ek gasi, en formo di interstela hidrogeno.

Kontraste solidi e liquidi, molekuli di gasi esas fore aparta, e movas rapide e hazarde. La frapado dil molekuli kontre la muri di kontenilo produktas preso plu granda kam on ofte savas - l'atmosfero presas kontre omno, e sen ol vidanta enti simple bolius ed explozus.

Che certena amaso di ideala gaso, la multiplikuro dil preso (P) e volumino (V) esas proporcionala kun l'absoluta temperaturo (T):

PV = RT (la generala gas-lego)

La konstanto R esas l' universala gas-konstanto. Reala gasi divergas de ca ideala lego ye alta preso pro mikra intermolekulala forci.