Granda Kometo di 1819
La kometo nomizita la Granda Kometo di 1819 esis unesmafoye vidata ye 1 di julio 1819 da fizikisto Johann Georg Tralles, e ye la sequanta nokto da astronomo Johann Elert Bode (ambe en Berlin). Ol esis videbla sen teleskopo til la fino di agosto 1819; la lasta observado eventis ye 25 di oktobro.
Ol esis la unesma kometo analizata per polarimetro: astronomo François Arago trovis ke lumo de la kaudo esis polarigata, quo indikis ke kelka lumo de la kaudo esis reflektata de la suno.