Helpo:Adjuntar kategorii

De Wikipedio
Irez ad: pilotado, serchez

Kategoriizo esas tre uzebla moyeno por konektar pagini, quo koncernas sama temo-cirklo o kategorio di kazi / fenomeni. Uzante kategorii ne mustas krear pagini por listi pri diversa temi.

On povas uzar en kategoriizo l'Idala vorto Kategorio. (Anke l'Angla vorto Category esas uzebla). L'uzenda ligilo esas en formo

[[Kategorio:Temo]]. (La Temo esas Tua temo.)


Maxim apta loko por kategorio-ligilo en texto esas la fino di la texto.

Por exemplo, omna pagini pri diversa mamiferi povas havar kategoriiginta ligilo [[Kategorio:Mamiferi]]. Tale omna mamiferi esas trovebla per la kategorio di Mamiferi. La kategorio-pagino di Mamiferi esas konektebla kun altra pagini pri animali per kategorio-ligilo [[Kategorio:Animali]]. Tale on povas trovar, exemple, la kategorio di Uceli, quo anke esas animali. Sequante, la kategorio di Animali esas konektebla kun Zoologio, e Zoologio kun Cienci.

Maxim desfacila esas trovar apta e logika ideo-kateno. Videz quala kategorii ni havas en listo dil Kategorii di pagini o skribez Chefa kategorii en buxeto che la pagino di kategorio-arboro.