Henry la Yuna Rejulo

De Wikipedio
Irez ad: pilotado, serchez
Henry la Yuna Rejulo

Henry la Yuna Rejulo (n. ye la 28ma di februaro 1155 til la 11ma di junio 1183) esis filiulo dil rejulo Henry la 2ma di Anglia.

Il esis la unesma filiulo di Henry la 2ma qua posvivis infanteso. En 1170 il esis kronizata kom asociita rejulo di Henry la 2ma; il pose esis kustumale nomizata Henry la Yuna Rejulo. Il esis charmiva viro, e divenis famoza turniranto en Europa. En 1173 il rebeleskis pro la povo di sua patro; la rebeleso duris 18 monati. Henry la 2ma, helpita da diversa nobela asociiti, esis fine vinkoza, ed il duris regnar til morto en 1189. Henry la Yuna Rejulo ne divenis propra rejulo, nam il mortis ante sua patro, en 1183.