Hom-ocido

De Wikipedio
Charlotte Corday pos mortigar Jean-Paul Marat.

Hom-ocido esas l'ago produktar la morto di ulu.[1][2] Judiciale, ol esas krimino konsistanta ek mortigar homo per agado od omiso, kun o sen intenco. Ol esas atento kontre la vivo di ula individuo, qua esas protektata segun la normi legala di la socii.

En la maxim multa socii, hom-ocido esas la maxim grava kriminal ago qua povas facesar. Certena landi distingas la tipi di hom-ocidi segun intenco e premedito.[3] Ordinare, hom-ocidi povas klasifikesar en:

  • hom-ocido doloza - kande l'aganto fakte havis l'intenco mortigar la persono o personi. Certena cirkonstanci mem povas plugravigar la puniso por hom-ocidi doloza, exemple trompar la viktimo por ke lu irez a loko ube la krimino povas praktikesar plu facile dal kriminanto, o mortigar ulu po pekunio od altra-sorta pago (komenda hom-ocido).
  • hom-ocido kulpoza - kande l'aganto ne havis intenco produktar la morto. Tamen pro neprudenteso o neglijo, la morto di ulu eventas. Exemple, se ulu oblivias facar preventiva manteno di freni di sua vehilo, e produktas acidento en qua ulu mortas pro ke ne esis posibla frenagar justatempe od efikive. En diversa judiciala sistemi existas debati pri quant ek "neglijo" o "neprudenteso" povas augmentar la kulpozeso dil aganto.

Referi[redaktar | redaktar fonto]

  1. <<homicidio>> - Publikigita da Real Academia Española. Idiomo: Hispana.
  2. Homicide definition - Publikigita da Cornell University Law School. URL vidita ye 22ma di aprilo 2014. Idiomo: Angla.
  3. Crime, meurtre, assassinat ou homicide ? - Autoro: Isabelle Buard. Publikigita da Le Barreau du Québec. Idiomo: Franca..