Hominocido

De Wikipedio
Irez a navigado Irez a serchilo

Hominocido (por specifikigar agreso kontre homini, vice la neutra homocido), anke: mulierocido, esas vorto por ocidar muliero pro ke el esas muliero, ed esas krimino di odio di mulieri.

Povas esar diferanta kauzi por hominocido. Dicernesas kin aproximi de la kauzi:

  • Feministal aproximo, qua blamas la patriarkala dominaco, exemple, doto-relatant ocidi, honoro-venjala krimini e sexuala violento.
  • Sociologial aproximo, qua enfokigas la partikulara karakteraji qui fenomenigas hominocido - on exkluzas hike la relato inter krimininto e viktimo e la motivo o la statuso di la krimininto.
  • Kriminologial aproximo, qua dicernas hominocido kom aparta kategorio en ocid-explori. La defino di hominocido varias che ca aproximo : kelkafoye koncernas mortigar muliero super evo 18, kelkafoye super evo 15, ed on definas la krimino de "violento" od "ocido".
  • Yuri homal aproximo, qua ne nur koncernas ocido ma anke altra extrema formi di agreso kontre mulieri - exemple l'AKUNS (akademiala parto di Nacioni Unionita) definas hominocido kom mult-kontenanta fenomeno, quale ocido, ma anke tormento, honoro-venjo, doto-relatant ocido, infantocido e sexuo-relatanta prenaskala selekto, genitil-mutiligo e hom-komerco.
  • Deskoloniigal aproximo, ube kazi de hominocido esas explorat en kuntexto di koloniala dominaco - ca aproximo esas uzata precipue (ma ne exkluzive) relatanta la hominocidi en la Mez-Oriento e Nord-Afrika, inter qui relatante honoro-venjo.