Iapetus

De Wikipedio
Salti al navigilo Irez a serchilo
Iapetus, fotografita da Cassini. La protuberanco cirkum la equatoro esas videbla.

Iapetus esas satelito di la Saturno, la triesme maxim granda de la sateliti di la planeto.

Ol deskovresis en 1671 da Giovanni Domenico Cassini. Il remarkis ke ol esas plu facile videbla ye la westa latero di Saturno, kam ye la estala latero. Il korekte konjektis ke la satelito sempre havas la sama latero vers Saturno, e ke Iapetus havas lumoza misfero e ne-lumoza misfero.

La nomo Iapetus sugestesis en 1847 da John Herschel, filio di William Herschel.

La kosmosondilo Cassini exploris la satelito en 2007. Iapetus havas granda orbito, cirkume 3.500.000 km, quo desfaciligis observado; la maxim proxima disto inter sondilo e satelito esis 1227 km.

La diametro esas cirkume 1500 km; ol havas multa krateri, di qua kin havas larjeso plu kam 350 km. Fotografuri montris la nucatra formo di Iapetus, havanta longa protuberanco cirkum la equatoro, alteso 13 km kun kelka somiti di alteso 20 km. Plura hipotezi esforcas explikar ca saliajo.