Jane Grey

De Wikipedio
Jump to navigation Jump to search
Siniorino Jane Grey

Siniorino Jane Grey (naskis c. 1537, mortis ye la 12ma di februaro 1554) esis rejino di Anglia dum julio 1553.

Dum la lasta yaro di la vivo di Edward la 6ma di Anglia, ilua saneso divenis sempre plu mala. Ilua protektanto esis la Duko di Northumberland; kom Protestanto, Edward asentis a la opiniono di la Duko, ke la sucedanta rejo mustus ne esar Mary (mi-fratino di Edward), qua esis Katolika. La projeto di la Duko esis entronigar Siniorino Jane Grey, a qua la filiulo di la Duko esis recente mariajata; ed elqua esis pos-nepotino di rejo Henry la 7ma di Anglia. Jane, lor evante 15 yari, proklamesis rejino ye la 10ma di julio 1553. Ca projeto esis des-estimata da la nobelaro, e la publiko favoris Mary; la regno di Jane finis pos non dii, e Mary divenis rejino Mary la 1ma di Anglia. Jane plu tarde mortigesis.