Konvenciono pri Certena Klasik Armi
La Konvenciono pri Certena Klasik Armi (oficale: Konvenciono pri Interdikto o Limitizo di Uzo de Certena Klasik Armi Qui Povas Konsideresas Produktar Traumati Ecesiva o Havar Nedicernant Efekti; en l'Angla: Convention on Prohibitions or Restrictions on the Use of Certain Conventional Weapons Which May Be Deemed to Be Excessively Injurious or to Have Indiscriminate Effects; en la Franca: Convention sur l'interdiction ou la limitation de l'emploi de certaines armes classiques qui peuvent être considérées comme produisant des effets traumatiques excessifs ou comme frappant sans discrimination), kurte: KCKA, dil UN esas kadro-traktato qua vizas interdikto o limito di certena klasik armi qui efektigas ecesanta lezuri o qui uzesas sen klara skopo.
La traktato koncernas ter-explozili, exploziva kaptili, brulo-bombi, lazer-armi blindiganta e la forigo di ne-explozinta mini.
La negocii komencis en septembro 1979 e parfinesis en 1980. La traktato signatesis ye la 10ma di aprilo 1981 en Genève, en venis en vigoro la 2ma di decembro di 1983.
Aprilo 2017, 124 stati signatis la traktato, kelka stati nur por parto di la protokoli. Adminime signato di 2 protokoli bezonesas por konsideresar sustenanta partio.