Linguo en danjero

Rede, l'ok landi qui koncentras plu kam 50% de omna la lingui del mondo. Blue, esas regioni ube existas granda diverseso linguistikala.

Linguo en danjero esas linguo minacata di desaparar pro ke lua parolanti mortas od adoptas altra linguo. Linguala perdajo eventas kande ula linguo havas nula nativa parolanti e divenas "mortinta linguo". Se fine nulo parolas la linguo, ol divenas "extingita linguo".

Multa lingui extingesis dum homala historio, e nun multa altra desaparas en acelerata proporciono pro la globaligo ed novo-koloniigo, ube l'ekonomikala povoza linguo dominas altra linguo. L'exakta nombro di lingui esas nekonocata, ma segun generala konsento ol esas inter 6 000 e 7 000, di qui 50-90% extingesos til 2100. La duimo dil habitantaro di la Tero parolas un o pluse de la 20 lingui maxim parolata del mondo - singla di qui parolesas da plu kam 50 milion personi. Altralatere, la maxim multa lingui parolesas da mikra komunesi, di qui multa kun min kam 10 000 personi singla.