Linguodisputo en Finlando

De Wikipedio
Salti al navigilo Irez a serchilo
Commons-emblem-trademark-issue.svg
Ica artiklo bezonas revizo gramatikala. – Ka vu povas helpar ni revizar ica artiklo?

La linguodisputo esas un ek la maxim granda konflikti de la nacionala historio e la landala politiko di Finlando. Ol jiris cirkum la questiono pri la stando di la Sueda linguo, qua esis depos mezepoko la chefa linguo di la administrado ed alta kulturo di Finlando. Altralatere ol koncernis la Finlandana linguo, qua esas la matrala linguo por la maxim multa habitanti di Finlando. La questiono esis, ka la Fina-linguala populo devus havar yuro uzar sua matrala linguo en politikala, kulturala, edukala ed en altra nacionala domeni. La disputo komencis ye la lasta duimo di la 19ma yarcento e duris til la yari 1920ma e 1930ma. Nune la questiono pri la lingui ne esas flagranta, pro ke la Finlandana linguo ganis dominacanta stando. Nune debatesas publike, ka la Sueda-linguala administrado-unaji mustus restar separata, e pri la uzo-kapableso di la Sueda linguo en diversa ofici.