London Weekend Television

De Wikipedio
Salti al navigilo Salti al serĉilo
La edifico di LWT en London

London Weekend Television (LWT) esis la licencario dil ITV-reto por Granda London e le Home Counties dum semanfini, brodkastinte de venerdio ye 5:15pm (7:00pm til 1982) til lundio-matine ye 6:00am.

De 1968 til 1992, kande la labordiala equivalanto di LWT esis Thames Television, eventis surskrena transfero ad e de LWT ye la komenco e fino dil semanfino; de 1993 til 2002, kande la equivalanto di LWT esis Carlton Television, la transfero eventis nevideble dum komercala pauzo, nam Carlton e LWT uzis komuna brodkasto-edifico.

Quale la maxim multa ITV-licenci, la London-semanfino-licenco hodie jeresas da ITV plc.  En 2014, ol esas ankore aparta licenco, ma nequale multa altra licenci, ol ne plus distingesas surskrene.  LWT nun jeresas kun Carlton Television kom unika ento (ITV London), e la legala nomo di LWT esas nun ITV London (Weekends)London Weekend Television Ltd esas, kun la maxim multa altra regionala kompanii proprietata da ITV plc, listizita che Companies House kom "Dormanta kompanio".

LWT kreesis dal televizion-prizentisto David Frost, qua tatempe laboris che la kanalo Rediffusion.  La federuro anke konsistis ek tri ex-BBCani: Michael PeacockFrank MuirDoreen Stephens.  Cyril Bennett de Rediffusion anke adheris la federuro kun Clive Irving, teatro-direktisto Peter Hall e, por financala suporto, Arnold Weinstock.