Louis Renault (industriisto)

De Wikipedio
Salti al navigilo Irez a serchilo

Louis Renault (18771944) esis Franciana industriisto, qua developis e produktis automobili.

Ilu komencis fabrikar automobili en 1899. En ta yaro il patentizis la principo transmisar povo a la roti per shafto e buxo di la dentizita roti, vice utiligar kateni o rimeni, quo antee esabis la kustumala transmiso-metodo.

Ye 29 di decembro 1930 en Francia esis unesmafoye prizentata nova automobilo, Renault Primaquatre. Ol esis tipo KZ6; ol esis developuro di la KZ-serio, di la populara mez-granda automobili di qui la produktado komencis en 1923. Ol esis rivalo di simila vehili da Citroen. La Primaquatre havis quar cilindri, di qui la konteneso esis 2120 cm3 (kuba-centrimetri). Produktado di la Primaquatre, kun diversa modifikuri dum la periodo, duris til 1941.

Dum la duesma mondomilito, ilua fabrikerii esis sub Germana direktado. Kurte pos la libereso di Francia, Renault esis arestata ye 22 di septembro 1944, akuzita pro kunlaboro kun Nazista Germania. Ilua saneso ja esis desbona, ed ol rapide divenis plu mala; il mortis en karcero ye 24 di oktobro 1944, dum ke il vartis legala proceso.