Lunar Reconnaissance Orbiter
Lunar Reconnaissance Orbiter (LRO) esas Usana kosmosondilo en orbito cirkum la luno.
Ol lansesis ye 18ma di junio 2009, plu kam dek yari pos la lasta misiono a la luno da Usa, ed eniris orbito ye 23ma junio. La projetita duro di la misiono esis un yaro, ma ol plurafoye extensesis.
Olua skopo esas detaloze surveyar la tota surfaco, inkluzante studio di la polala regioni por deskovrar irga glacio. LRO anke trovis la preciza loki di sondili ed equipaji restanta de antea misioni (di omna nacioni), ed ol serchas apta loki por futura misioni. En septembro 2015 ol detaloze fotografabis preske tri-quarimi di la surfaco di la luno. Ol havas suficanta fuelo por durar til cirkume 2026.