Mace Windu
Mace Windu (72 BBY - 19 BBY) esas fiktiva karaktero en l'universo di Star Wars. Lu pleesis da Samuel L. Jackson en la filmi Episode I: The Phantom Menace, Episode II: Attack of the Clones e Episode III: Revenge of the Sith.
Windu esas Jedi Maestro kun legendala stando ed un di la lasta membri di la Jedi Koncilo ante la Granda Purgo di la Jedi. Lu posedas extensiva savo pri Jedi historio e filozofio, ed esas diplomacisto; tamen, la Klonulo-milito igis lu questionar sua kredi pri to. Kom tam respektinta Jedi kam Maestro Yoda, Windu esas seniora membro di la Jedi Koncilo. Lua sajeso e povo esas legendala, tale anke la pezeso di sua vorti. Lu esas ecelanta chefa mentoro ed esas pensata kom saja e povanta Konsulal/Gardistala Maestro di la Ordeno di Jedi.
Ne nur sua reputo por sajeso e povo, Windu esas anke un la la maxim habila espado-uzanti en la Ordeno. Lu kreis Vaapad, duelo-tekniko en la sepesma formo di lumo-sabrala kombato qua kontenas certena elementi di praktiki en la Tenebroza Latero. Multi dicis ke nur Yoda esis plu habila kam lu pri la uzado di la lumo-sabro.
Historio[redaktar | redaktar fonto]
Haltez! La sequanta parto havas informo pri filmi, libri e.c. quon vu forsan ne volas savar.
Mace Windu unesme venas de la planeto Haruun Kal. Pos la morto di sua genitori kande lu evis nur sis monati, lu eniris la Jedi Ordeno. Lu komisesis a la Jedi Konsilo a la evo di duadek-e-ok, tatampe la maxim yuna Jedi qua eniris aden la Konsilo (tamen, kelka yari pose, Anakin Skywalker eniris la Konsilo a la plu yuna evo di 23).
Ye 32 BBY, Qui-Gon Jinn ed Obi-Wan Kenobi aparas avan la Konsilo kun Anakin Skywalker, yuna esklavo de Tatooine, qua li asertas esar la un selektita en la predico di la Jedi, qua adportos equilibro a la Forco per destruktar le Sith. Kun Yoda, Windu havas grava dubiti, sentante tenebroza nubo cirkum la futuro di ta puero, ed interdiktas la entreno di lu da la du Jedi. Tamen, kande Jinn mortigesis da Darth Maul dum la Batalio di Naboo, ante mortar Jinn dicis a Kenobi ke lu entrenez Skywalker kun sua lasta respiro. Pose Kenobi dicis ke lu entrenos la puero kun o sen la permiso di la Konsilo; lore li abandonis interdiktar la entreno. Yoda e Windu grande perturbesis pri la retroveno di Sith Sinioro, enemiko qua ne trublis la galaxio dum plu kam un yar-milo.
Dum la dek-yarala periodo inter The Phantom Menace ed Attack of the Clones, Windu konstruktas specala elektrumo lumo-sabro kun rara ametisto-kolorizita kristalo.
Dum la eventi irante a la Batalio di Geonosis, Windu deskovris kun granda konsterno, ke sua antea mentoro ed amiko, Komto Dooku, turnis su kontre le Jedi e kidnapis Kenobi, la adulteskita Skywalker, e Padmé Amidala, la antea Rejido di Naboo qua divenis senatano. Windu duktis cirkum 200 Jedi por salvar li ek Geonosis-ala exekuto administrita da Komto Dooku. Windu afrontis Dooku ye balkono sur la areno, ma esis ekpulsata da Jango Fett qua gardis Dooku. Dum la sequinta batalio, tamen, Windu deskapigis Fett, qua ja ocidis multa Jedi, inkluzante Coleman Trebor. Windu lore duktis la klonulo-armeo a vinko dum la batalio.
Citaji memorebla[redaktar | redaktar fonto]
- "Tu aludas a la predico pri la Uno qua adportos balanco a La Forco, ka tu kredas ke ol esas ica... puero?" (Windu a Qui-Gon Jinn en The Phantom Menace)
- "Ca partio finabas." (Windu a Komto Dooku en Attack of the Clones).
- "Me ne pensas tale." (Respondante a la vorti di Komto Dooku: "Vi ne-posible sub-numeresas." en Attack of the Clones)
- "Ni esas mantenisti di la paco, ne militisti." (Windu a Palpatine en Attack of the Clones)
- "Quankam, ni devas atencar plu proxime a la Senato." (Proxime a la fino di Attack of the Clones)
- "Tu esas en ica Konsilo, ma ni ne donas a tu la rango di Maestro." (Windu ad Anakin Skywalker, en Revenge of the Sith)