Marcin Różalski

De Wikipedio
Marcin Różalski
Profesiono: kik-boxisto, Tai-boxisto, MMA-kombatanto
Lando: Polonia
Naskodato: 29 di julio 1978
Nasko-loko: Płock, Polonia
Mortodato:

Marcin Różalski (n. ye la 29ma di julio 1978) esas Poloniana konkurencanto pri boxo, kik-boxo, Tai-boxo e mixita milital arti (MMA).

En 2002 Różalski havis sua nura batalo profesionala pri boxo – il venkis en sua familiala urbo Płock. En 2020 il kombatis en organizo Genesis pri boxo sen ganti – il perdis kontre Josh Barnett.

En 2004 il komencis sua profesionala kariero en K1 (un ek formuli di kik-boxo). En 2005 divenis championo di Polonia pri Tai-boxo. En 2007 divenis championo di ISKA (organizo pri K1), e en marto 2008 – championo pri K1 di organizo WKA.

Sua kariero pri mixita milital arti il komencis en 2010 kombatante en Poloniana organizo Konfrontacja Sztuk Walki (KSW). Ye la 27ma di mayo 2017 il divenis championo di KSW pos vinko (en 16 sekundo di batalo) kontre Braziliana lora championo Fernando Rodrigues Jr.. En 2012 il kombatis pri MMA en Rusiana organizo DRAKA – en olua evento DRAKA 7 en Vladivostok il perdis kontre Salimgerei Rasulov.

Ilua rekordi esas pri kik-boxo 22-9, e pri MMA 7-4.

Private Różalski esas konocata pri ilua tatuuri (ank sur ilua vizajo) e ilua helpo por animali (inter altri kun sua vival partnerino Marta Kviatkova esas posedanti di haraso por salvinta kavali).