Maui

De Wikipedio
Irez a navigado Irez a serchilo
Satelital imajo pri Maui.
Litoro di Maui.

Maui esas la maxim granda insulo di la komtio samnoma, e la 2ma maxim granda insulo di Havayian arkipelago, havanta entote 1 883 km². Ol havis entote 168 307 habitanti en 2021, esanta la 3ma maxim populoza insulo dil arkipelago.

Ol portas la nomo di legendala mi-deo Polineziana Maui. Segun la legendo, ca mi-deo kris l'insuli peskanta li de marofundo uzanta magiala angelo.

Maui konsistas ek du volkani unionita tra istmo. La maxim anciena ek la du esas Mauna Kahalawai, qua esas multe erodita. L'altru esas Haleakala, monto kun altitudo di 3050 metri. Lua lasta erupto eventis en 1790.