Mento

De Wikipedio
Irez a navigado Irez a serchilo
Modelo pri koncio-niveli en homala mento, segun Sigmund Freud.

Mento esas l'ensemblo di konociva kapablesi, qua kontenas procedi quale apercepto, pensado, koncienco, memoro, imaginado, edc. Kelk ek ca kapablesi esas exkluziva del homo, kontre ke altri partigesas kun altra vivanta enti. La "mento", to esas, ca ensemblo di kapablesi e procedi, esas diferanta de "mentala standi", exemple deziro, la sento di doloro, o de la kredaji, qui esas tipi od exempli di ca procedi.

Segun Sigmund Freud, existas 3 niveli en homala mento: la nivelo di procedi koncianta, la nivelo di procedi prekoncianta, e la nivelo di procedi nekoncianta. La zono koncianta enkorpigas racionoza procedi e la parto de la mento atenta a la mondo; la zono prekoncianta enkorpigas procedi qui ne sempre venas a la koncio, tamen li povas venar; e la zono nekoncianta havas sua propra "linguo" e ne esas acesebla a la koncio, ma povas manifestar su nedirete, o per simboli.[1]

Referi[redaktar | redaktar fonto]

Wikipedio
Wikivortaro explikas
ca rubriko
en altra lingui: Mento
  1. Consciente, Pré-consciente e Inconsciente - o que são estes conceitos? - Publikigita da psicanaliseclinica.com. URL vidita ye 23ma di novembro 2021. Idiomo: Portugalana.