Montgolfier fratuli

De Wikipedio
Irez ad: pilotado, serchez
Acenso di balono ye Versailles, 19 di septembro 1783

On komprenas Montgolfier frati: Joseph-Michel Montgolfier, ofte nominita Joseph (la 26ma di agosto 1740 til la 26ma di junio 1810), e Jacques-Étienne Montgolfier, ofte nominita Étienne (la 6ma di januaro 1745 til la 2ma di agosto 1799), kin yari-juniora, omna filii de Pierre Montgolfier, paperisto apud Annonay, sude Lyon, inventisti do varma aero balono.

Unesma demonstrado[redaktar | edit source]

Ye 4 di junio 1783 ye Annonay, la fratuli, koram grupo de eminenti, unesmafoye demonstris balono qua acensis per varm aero. La flugo, sen pasajeri, duris dek minuti, e la balono kovris 2 km; la alteso esis cirkume 2000 m. La skopo di la fratuli esis establisar lia yuro egarde la inventuro. Pos ca suceso, Étienne Montgolfier iris a Paris e facis plusa demonstradi.

Acenso di balono ye Versailles[redaktar | edit source]

Ye 19 di septembro 1783, la Montgolfier fratuli, experimentante pri baloni qui acensis per varma aero, unesmafoye sendis balono adsupere qua portis vivanta animali: mutono, anado e hano. Lo eventis ye Versailles, koram rejulo Louis 16ma di Francia e rejino Marie-Antoinette. La flugo duris cirkume ok minuti, e la balono atingis alteso cirkume 460m; ol sendomaje ri-atingis tero, e la animali posvivis. En novembro 1783 eventis la unesma flugo di homo en balono.