Moskeo Al-Aksa
La moskeo Al-Aksa (Arabe المسجد الأقصى al-masjid ul-aksā, "la maxim distanta moskeo") esas islamala moskeo en l'Ancien Urbo Ierusalem, konstruktita ye disto de petro-jeto de la moskeo Kupolo di la Roko ye la sudala flanko di la Templomonto (Haram al-Sharif). La moskeo Al-Aksa esas la maxim granda moskeo di Ierusalem kun plaso por cirkume 5000 homi. Ol esas un de la tri sakra loki dil islamo, pos la Ka'ba (Kubo) en Meka e la moskeo di la Profeto en Medina. La religial edifici sur la Templomonto esas jerata da Jordanian islamala religiala fonduro, en l'Araba: وقف ("Wakf").
Depos 2000 la moskeo nur esas acesebla por islamani. La moskeo esis l'unesma prego-sinso ("Kibla") por islamani ante ke la moskeo Al-Mashid al-Haram divenis la prego-sinso.