Muzikal instrumento

Muzikal instrumenti en butiko.

Muliero kun liro en anciena Greka ceramikajo.

Kord-instrumento en muzeo Cheka.

Piano, banjo ed altra muzikal instrumenti dal bando di Al Jolson.

Muzikal instrumento es objekto konstruktita o modifikita por facar muziko. En principo, ulo qua produktas sono povas servar kom muzikal instrumento. La frazo "muzikal instrumento", tamen, esas ordinare uzata por artikli qui havas specifika muzikala skopo, exemple piano. L'akademiala studio di muzikal instrumenti nominesas organologio.

Arkeologio ed antropologio

Eruditi konvinkas ke ne existas metodi komplete fidinda por determinar l'exakta kronologio di developo di muzikal instrumenti tra la kulturi. Komparar ed organizar instrumenti segun lia komplexeso ne esas metodo perfekta, pro ke la 'teknologio' di la muzikal instrumenti havas kelkafoye basa komplexeso. Exemple, por la konstruktado di la maxim anciena fenduro-tamburi bezonesis abatar e kavigar granda arbori; pose fenduro-tamburi konstruktesis kun apertita bambua stipiti, plu simpla tasko. Simile, grupigar la developado di muzikal instrumenti segun laboreso anke ne esas exakta metodo, pro ke omna kulturi evolucionas segun diferenta niveli e havas aceso a diferanta materii. Exemple, antropologisti qui komparis muzikal instrumenti produktita da du diferanta kulturi qui existis dum la sam epoko ma diferis per organizado, kulturo, e mestiero ne povis determinar quala instrumenti esis plu "primitiva". Klasifikar instrumenti segun geografiala origino ank esas partale nefidinda, pro ne povesas determinar quala kulturi mantenis kontakto l'una kun l'altra, kande, e se partoprenis konoci. Tamen, la Germana muzikologisto Curt Sachs propozis ke geografiala kronologio esus preferebla, pro lua restriktita subjektaleso.

Tipi

Omna muzikal instrumenti povas klasifikesar en nur tri diferanta tipiː sufl-instrumento, perkut-instrumento e kord-instrumento.